икона Божьей Матери «ИЗБАВИТЕЛЬНИЦА»

 

икона Богородицы «ИЗБАВИТЕЛЬНИЦА» 

30 октября (17 октября по старому стилю)

икона Божьей матери «ИЗБАВИТЕЛЬНИЦА»
 

_____________________________________________ 

Описание иконы Божией Матери Избавительница:
Прославление иконы Пресвятой Богородицы «Избавительница» началось с 1841 года, когда по молитвам перед ней одна из греческих провинций избавилась от нашествия саранчи. Чудеса, исходящие от иконы Богородицы, привлекли к ней множество паломников, что тяготило хранителя святыни – старца Мартиниана, бывшего насельника одного из афонских монастырей. Устав от людского внимания, старец вместе с иконой Богородицы вернулся на Афон и поселился в монастыре святого великомученика Пантелеимона. В 1889 году настоятель обители пожертвовал чудотворную икону Богородицы в Россию для открытого на Кавказе Ново-Афонского Симоно-Кананитского монастыря.

Икону Божией Матери «Избавительница» вёз собой в поезде император Александр III, возвращаясь в столицу со своей семьёй после отдыха на юге. Как известно, царский поезд попал в катастрофу, но сам император и его домочадцы чудом остались живыми и невредимыми. Своё чудесное спасение члены царской семьи связали с покровительством и заступничеством Пресвятой Богородицы. В память о чудесном спасении русского императора и его семейства празднование в честь иконы Божией Матери «Избавительница» установлено 17 октября.

На некоторых старинных образах на мафории Богородицы изображены пятиконечные звёзды – пентаграммы. С древних времён пентаграмма означает «Избранность, обязанность, верность». К сожалению, начиная с 16-го века пентаграмму стали использовать масонские организации, а впоследствии коммунистические, что привело к возникновению неоднозначного отношения к этому древнему благочестивому символу.

икона Богоматери «ИЗБАВИТЕЛЬНИЦА»

__________________________________________________

Существует ещё один вариант иконы Пресвятой Богородицы «Избавительница», на которой изображены святые апостол Симон Кананит и целитель Пантелеимон, держащие икону Божией Матери на фоне Ново-Афонского Симоно-Кананитского монастыря.

 

 

Пред иконой Пресвятой Богородицы «Избавительница» молятся об исцелении страждущих беснованием, от нашествия саранчи, об исцелении душевных и телесных немощей, во время бедствия, о ниспослании благодатной силы при разрешении трудных обстоятельств. 

Молитва Пресвятой Богородице перед Ея иконой, именуемой «Избавительница» 

О, Мати Божия, помоще и защита наша, егда попросим, буди избавительнице наша, на Тя бо уповаем и всегда вседушно Тя призываем: умилосердися и помози, пожалей и избави, приклони ухо Твое и наши скорбныя и слезныя молитвы приими, и якоже хощеши, успокой и обрадуй нас, любя­щих твоего Безначального Сына и Бога нашего. Аминь.

 

икона Богородицы «ИЗБАВИТЕЛЬНИЦА»

_______________________________________________ 

Тропарь Пресвятой Богородице перед Ея иконой, именуемой  «Избавительница»

 

Тропарь, глас 4

Яко пресветлая звезда, просия Бо­жественными чудесы святый образ Твой, Избавительнице, лучами благодати и милосердия Твоего озарив в нощи скорбей сущих. Подаждь убо и нам, Всебла­гая Дево, избавление от бед, исцеле­ние недугов душевных и телесных, спа­сение и велию милость.

 

Икона Богоматери «Избавительница»

________________________________________________ 

Акафист Пресвятой Богородице перед Ея иконой, именуемой «Избавительница»

 

Кондак 1

Возбрани врагом нашим озлобляти нас и от Господа нашего  отлучити конечне, а нас научи пети Тебе весело: Радуйся, Избавительнице, от горя, бед и гибели спасающая нас бедствующих.

 

Икос 1

Ангелов множество по Твоему, Мати наша, повелению ополчаются на избавление наше грозно. Ты же приими молитву сию: Радуйся, Ангелов на спасение наше посылающая; Радуйся, Царице горних чинов, не­бесную их помощь нам дарующая.  Радуйся, Ангелом хранити нас повелевающая; Радуйся, воинством Ангельским врагов наших поражающая. Радуйся, Избавительнице, от горя, бед и гибели спасающая нас бедствую­щих.

 

Кондак 2

Видят бедствующие толику и мно­гую помощь Твою сердечно Тя призывающим, наставляются тем пети Сыну Твоему непрестанно: Аллилуиа.

 

Икос 2

Разумеют мнози, яко мирови дарова Тя Сын Твой Избавительницей бедствующих, темже поем Ти сице: Радуйся, бедствующих Мати; Радуйся, страждущих утешение. Радуйся, болящих исцеление; Радуйся, ненадежных надеждо. Радуйся, Избавительнице, от горя, бед и гибели спасающая нас бедствую­щих.

 

Кондак 3

Сила Вышняго даровася Ти на по­мощь и спасение миру и нас, в бе­дах погибающих. И кто же Тобою не избавлен бысть, и кто же не поет Сыну Твоему: Аллилуиа.

 

Икос 3

Имуще непостижимую любовь к роду человечу, кии вздохи не прияла еси, кии слезы не отерла еси, и кого не принудила еси призывати Тя, вопиюще: Радуйся, бедствующих скорое услышание; Ра-дуйся, печальных и скорбных утешение. Радуйся, погибающих быстрое спасение; Радуйся, плененных освобождение. Радуйся, Избавительнице, от горя, бед и гибели спасающая нас бедствую­щих.

 

Кондак 4

Буря несчастий налете на ны, спаси нас погибающих. Избавительнице наша, бурю погибельную на земли ук­ротившая и приемлющая нашу песнь: Аллилуиа.

 

Икос 4

Слышаша человечестии роди всю Твою к христианам дивную любовь и Твое мощное избавление от всяких находящих на них лютых, научишася   пети  Тебе: Радуйся, человеческаго рода от бед избавление;

Радуйся, бурь житейских прекращение. Радуйся, уныния Прогонитель-нице; Радуйся, радости по скорби нам Подательнице. Радуйся, Избавительнице, от горя, бед и гибели спасающая нас бедствующих.

 

Кондак 5

Боготечней звезде подобящаяся, мрак и темноту в греховных серд­цах разгоняющей, да во свете Твоея; любве узрят Господа и воспоют Ему: Аллилуиа.

 

Икос 5

Видеша людие российстии Твое не­чаянное от многоразличных бед избавление, радостно поют Тебе сице: Радуйся, в бедах наша Помощнице; Радуйся, скорбей наших отъятие. Радуйся, печалей наших отгнание; Радуйся, в скорбех наших утешение. Радуйся, Изба-вительнице, от горя, бед и гибели спасающая нас бедствующих.         

         

Кондак 6

Проповедуют помощь Твою и лю­бовь, Мати, исцеленнии, утешеннии, обрадованнии и спасеннии То­бою от бед, и поют Твоему Высокодержавному Сыну: Аллилуиа.

 

Икос 6

Возсиял есть нам свет спасения во мгле погибели, окружающий нас, и наставил есть пети Тебе: Радуйся, мглу грехов разгоняющая; Радуйся, тьму греховную потребляющая. Радуйся, мрак души моея просве-щающая; Радуйся, светом радости души ободряющая. Радуйся, Избавительнице, от горя, бед и гибели спасающая нас бедствующих.

   

Кондак 7

Хотящим нам конечному отчаянию предатися, отовсюду бедам належащим, помыслихом же о Тебе, Избавительнице, и ободрихомся и утешихомся, поюще Сыну Твоему: Аллилуиа.

Икос 7

Новую и нежданную показа нам милость Свою, под державную руку Твою нас восприявши, и отсюда вопием Ти: Радуйся, Царице державная; Радуйся, и нас под Твою державу восприявшая. Радуйся, защиту Твою нам даровав­шая; Радуйся, врагов наших поразившая. Ра-дуйся, Избавительнице, от горя, бед и гибели спасающая нас бедствую­щих.

 

Кондак 8

Странное чудо на погибель обреченных и в нуждах томящихся безчисленных, внезапу спасение и из­бавление получают от Тебе, Вселюбящей, поюще Богу: Аллилуиа.

 

Икос 8

Вси сущий во мраце скорбей, вси обуреваемии несчастий бурею, приидите к доброму пристанищу и на­шему поможению, покрову Девы Избавительницы, вопиюще Ей: Радуйся, радостей источниче; Радуйся, печалей прогнание. Радуйся, бед уменьшение; Радуйся, всяческаго покоя Подательнице. Радуйся, Избавительнице, от горя, бед и гибели спасающая нас бедствующих.

 

Кондак 9

Все существо человеческое хвалит Тя, вси воспевают Тя, много-различное избавление несущую, вместо печалей радость подающую поющим: Аллилуиа.

                         

 Икос 9

Ветия многоумнии обезумеша, видяще Твое быстрое и чудесное от бед страждущих избавление, и умолкоша нам, поющим Ти: Радуйся, чудесами мир удивившая; Радуйся, чудесами нас укрепившая.  Радуйся, безбожие чудесами истребившая; Радуйся, врагов силою Божиею посрамившая.  Радуйся, Избавительнице, от горя, бед и гибели спасающая нас бедствующих.

 

Кондак 10

Спасти хотя всяку душу человечу,  всею любовию печешися о ней, дондеже не научиши ю пети Сыну Твоему: Аллилуиа.

 

Икос 10

Стеною, мир христианский храня­щей и всяку душу от врагов ограж­дающей, явися икона Твоя, Избави­тельнице, в мире православнем и чуде­сами прославися. Тебе людем Божиим воспевающим: Радуйся, Наставнице наша, Святую гору Афонскую в жребий Себе избравшая; Радуйся, Избавительнице наша, Твоим благословением Новый Афон благословившая. Радуйся, веселие наше, знамение союза неразрывнаго уделов Своих земных иконою Твоею явившая; Радуйся, вечная радосте наша, чу­десным попечением к юной Ново-Афонской обители благоволившая. Радуйся, Избавительнице, от горя, бед и гибели спасающая нас бедствующих.               

     

 

Кондак 11

Пение непрестанное приносят Ти Тобою избавленнии и Тобою паки радость обретшие, и Божественному Сыну Твоему поют радостно: Аллилуиа.

 

Икос 11

Светосияющим светилом лучезарным во мраце греха явися нам, Твоя икона, Избавительнице, настав­ляющая нас пети Тебе: Радуйся, от глада нас избавляющая; Радуйся, вредоносящее естество от раститель-ного мира отгоняющая.  Радуйся, посевы и леса, и вся растущая от погибели спасающая; Радуйся, земледельцев скорбящих утешение и труда их благословение. Радуйся, Избавительнице, от горя, бед и гибели спасающая нас бедствующих.

 

Кондак 12

Благодать, от иконы Твоея, Избавительнице, текущая, исцелений струи обильно подающая и сердца веселием оживляющая, побеждает всех волею пети Тебе, Мати, и Сыну Твоему и Богу: Аллилуиа.

 

Икос 12

Воспеваем исцеления, воспеваем  наипаче воскрешение Анастасия отрока и воспевающе поем: Радуйся, мертвых воскрешающая; Радуйся, умершая сердца оживляю­щая; Радуйся, от смерти и вечнаго огня изымающая. Радуйся, посмертное наше упование и защито. Радуйся, Избавительнице, от горя бед и гибели спасающая нас бедствующих.

 

Кондак13

О Всепетая и Вселюбимая наша Мати, умилосердися ныне и помилуй, в лютых и безысходных сущих нас скорбех избавляющи, научи нас сердечно воспевати Богу прощающему нас: Аллилуиа.

 

(Этот кондак читается трижды, затем икос 1 и кондак 1)

 

____________________________________________

 

Также читайте у нас на сайте: 

Земная жизнь Богородицы - Описание жизни, рождества, успения Божией Матери.

Явления Богородицы - О чудесных явлениях БогоМатери.

Иконы Божьей Матери - Информация о видах иконописи, описания большинства икон Божией Матери.

Молитвы Богородице - Основные молитвы.

Жития Святых - Раздел посвященный Житиям Православных Святых.

Начинающему христианину - Информация для тех, кто недавно пришел к Православной Церкви. Наставления в духовной жизни, базовая информация о храме и т.д.

Православные притчи - Сборник небольших притч (историй)

Литература - Собрание некоторой Православной литературы.

Православие и оккультизм - Взгляд Православия на гадания, экстрасенсорику, сглаз , порчу , йогу и подобные "духовные" практики. 

Суеверия - Описание некоторых суеверий.

__________________________________________________

 

http://pravkurs.ru/ - Православный интернет курс дистанционного обучения. Рекомендуем пройти этот курс всем начинающим Православным Христианам. Обучение через интернет проходит два раза в год, запишитесь на следующие курсы сегодня

 

 

 

Первое Православное радио в ФМ диапозоне!

Можете слушать в автомобиле, на даче, везде где у вас нет доступа к Православной литературе или другим материалам.

 

 
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator

Православный календарь